Прызнаемся, выбраць абмежаваную колькасць карцінак з катамі, якія больш-менш вірусяцца ў сацсетках было вельмі складана, бо іх проста неймаверная колькасць. Але ў выніку ў нас атрымалася падборка, якая сёння дакладна ўздыме ваш настрой!

Самая вядомая кошка, якая прынесла сваім гаспадарам шмат грошай дзякуючы незвычайнаму выразу пыскі – Сярдзітая Кошка (Grumpy cat). Яе не стала 5 гадоў таму, але мемы з ёю, здаецца, будуць жыць, пакуль людзі карыстаюцца інтэрнэтам.

«Наташ, вставай, мы все уронили!» – гэты мем з чатырма катамі быў вельмі папулярны ў 2020 годзе. З’явіўся ён у суполцы «Котизм» спачатку з іншай карцінкай, а пасля займеў вядомы ўсім візуал і незлічоную колькасць варыянтаў для хуткага абуджэння Наташы. А першая фраза «Наташ, спіш?» нават стала самастойным мемным выразам.

Мем про «рыбов» з’явіўся ў студзені 2021 года, і спачатку там каты пыталіся пра лобстэраў. Але завірусіўся іншы вядомы ўсім варыянт напрыканцы ліпеня.

Кот Сцяпан з Украіны, стаў папулярным дзякуючы сваіму сумнаму выразу пыскі і смешнай паставе за сталом, на якім стаіць келіх з віном.

Адзін з вядомых паблікаў, які актыўна генеруе мемны кантэнт – суполка «Страдающее средневековье». Вядомы мем адтуль пра зарплату з выявай льва (хаця і з коцікамі там хапае, насамрэч).

Кот Бендэр з Аўстраліі стаў вірусным вясной 2023 года. Спачатку, у 2021 годзе, яго гаспадыня выклала відэа, дзе ён забаўна просіць есці, пасля замест мяўкання на відэа наклалі гук «А?»

Гэты коцік і яшчэ шмат розных смешных катоў, якія выдатна ілюструюць розныя эмоцыі і жыццёвыя сітуацыі, неймаверна завірусіліся ў TikTok у 2023 годзе. Напрыклад, гэтых двух вусатых катоў, якія спрачаюцца, у сваіх роліках выкарыстоўвалі нават у МНС. Абодва гадаванцы з Кітая, але між сабой незнаёмыя.

А самыя свежыя смешныя ролікі, якія папулярныя акурат цяпер – гэта коцікі, якія заўзеюць на Алімпійскіх гульнях у Парыжы.

Ну а цяпер проста падборка без каментароў у вашую калекцыю мемасаў. Дзякуй коцікам за наш з вамі добры настрой!